ठाणे: शहरातील रूग्णवाढ रोडावली आहे. नवीन ३० रूग्ण मिळाले आहेत तर २९जण रोगमुक्त झाले आहेत. सुदैवाने आज एकही जण दगावला नाही.
महापालिका हद्दीतील माजिवडे-मानपाडा प्रभाग समिती क्षेत्रात सर्वाधिक १२ रूग्ण सापडले आहेत. प्रत्येकी चार रुग्णांची भर वर्तकनगर, उथळसर आणि नौपाडा-कोपरी प्रभाग समिती परिसरात पडली आहे. तीन रूग्ण वागळे प्रभाग समितीमध्ये मिळाले आहेत. प्रत्येकी एक रूग्ण दिवा, मुंब्रा आणि कळवा प्रभाग समिती भागात वाढले आहेत तर लोकमान्य-सावरकर नगर प्रभाग समिती परिसरात एकही रुग्ण आढळून आलेला नाही.
विविध रुग्णालयात आणि घरी उपचार घेत असलेल्या रूग्णांपैकी २९जण रोगमुक्त झाले आहेत. आत्तापर्यंत एक लाख ३९ हजार ३८६जण ठणठणीत बरे होऊन घरी गेले आहेत तर रुग्णालयात आणि घरी ३०७जणांवर उपचार सुरू आहेत. आज एकही रूग्ण दगावला नसून आत्तापर्यंत दोन हजार १०८जणांचा मृत्यू झाला आहे.
महापालिका प्रशासनाने काल एक हजार ७८४ नागरिकांची चाचणी घेतली होती. त्यामध्ये ३०जण बाधित मिळाले आहेत. आत्तापर्यंत २१ लाख ११ हजार ९९४ ठाणेकरांची चाचणी घेण्यात आली असून त्यामध्ये एक लाख ४१ हजार ८०१जण बाधित सापडले आहेत.
स्रोत – ठाणे वैभव
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
