ठाणे : शहरातील कोरोना रूग्णसंख्या रोडावली आहे. आज ३८नवीन रुग्णांची भर पडली तर ५२जण रोगमुक्त झाले. एकाचा मृत्यू झाला.
महापालिका हद्दीतील कोरोना हॉट स्पॉट संपुष्टात आले आहेत. सर्वाधिक १४ रूग्ण माजिवडे-मानपाडा आणि ११जण वर्तकनगर प्रभाग समिती क्षेत्रात सापडले आहेत. लोकमान्य-सावरकर नगर आणि मुंब्रा प्रभाग समितीमध्ये शून्य रुग्णांची नोंद झाली आहे. पाच रूग्ण उथळसर, तीन जण वागळे आणि दोन रूग्ण नौपाडा-कोपरी प्रभाग समिती परिसरात आढळले आहेत. प्रत्येकी एका रुग्णाची भर दिवा आणि कळवा प्रभाग समिती क्षेत्रात पडली आहे.
विविध रुग्णालयात आणि घरी उपचार घेत असलेल्या रूग्णांपैकी ५२जण कोरोनामुक्त झाले असून आत्तापर्यंत एक लाख ३८ हजार ७६२जण ठणठणीत बरे झाले आहेत. रुग्णालयात आणि घरी ३७८ जणांवर उपचार सुरू आहेत.आज एकाचा मृत्यू झाला असून आत्तापर्यंत दोन हजार १०४जण दगावले आहेत.
महापालिका प्रशासनाने काल शहरातील दोन हजार ८०६ नागरिकांची चाचणी घेतली होती. त्यामध्ये ३८जण बाधित मिळाले आहेत. आत्तापर्यंत २० लाख ७६ हजार ६३९ ठाणेकरांची चाचणी घेण्यात आली असून त्यामध्ये एक लाख ४१ हजार २४४जण बाधित सापडले आहेत.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
