ठाणे : फक्त बेकायदा इमारतीच नाही तर रूग्णालयांमध्ये करण्यात आलेले अनधिकृत बांधकाम, हॉटेल, लॉज, हुक्का पार्लर आदींसह इतर अनधिकृत बांधकामांवर देखील कारवाईची करावी, अशी मागणी भाजपचे गटनेते मनोहर डुंबरे आणि काँग्रेसचे विक्रांत चव्हाण यांनी केली.
अनधिकृत बांधकामांवरील कारवाई ही केवळ राजकीय हेतूने केली जात असल्याचा आरोपही डुंबरे यांनी केला. केवळ ठराविक भागातच कारवाई होत असून इतर भागात कारवाईकडे कानाडोळा केला जात असल्याचा दावाही त्यांनी यावेळी केला. शहरातील अनधिकृत बांधकामांबाबत कॉंग्रेस आणि भाजपच्या वतीने लक्षवेधी मांडण्यात आली होती. त्यावर मंगळवारी रात्री १० वाजेपर्यंत चर्चा सुरु होती. रात्री ९ वाजता यावर चर्चा सुरु झाली. तब्बल एक तास यावर चर्चा सुरु होती. यावर बोलतांना केवळ अनधिकृत इमारतींवर कारवाई करुन उपयोग नाही तर हॉटेल, लॉज आदींसह इतर ठिकाणी झालेल्या अनधिकृत बांधकामांवर कारवाई करण्याची मागणी यावेळी कॉंग्रेसचे नगरसेवक विक्रांत चव्हाण यांनी केली. तर भाजपचे गटनेते मनोहर डुंबरे यांनी देखील अनधिकृत बांधकामाच्या मुद्यावरुन ही कारवाई केवळ हेतुपुरस्सर केली जात असून राजकीय सुडबुध्दीने कारवाई केली जात असल्याचा आरोप केला.
कारवाई करतांना दिवा, खारीगाव, पुढे बाळकुम, कोलशेत अशा पध्दतीने ज्या ठिकाणी भुमीपुत्र आहेत, त्याठिकाणीच ही कारवाई केली जात असल्याचेही त्यांनी सांगितले. इतर ठिकाणी अनाधिकृत बांधकामे झाली नाही का? असा सवालही त्यांनी यावेळी केला. येऊरमध्येही अनधिकृत बांधकामेअसून तिकडे दुर्लक्ष केले जात आहे. रूग्णालयांमध्ये देखील अंतर्गत बांधकामे वाढली आहेत, हुक्का पार्लर, लॉज आदींसह इतर ठिकाणी देखील अनधिकृत बांधकामे झालेली आहेत, त्यानुसार त्यांच्यावर देखील कारवाई व्हावी अशी मागणी त्यांनी केली.
हॉटेल, हुक्का पार्लर, लॉजवरही कारवाईची मागणी
ज्या प्रभाग समिती हद्दीमध्ये बेकायदा बांधकामे झाली आहेत, तेथील सहाय्यक आयुक्तांची केवळ बदली करुन उपयोग नाही तर त्यांच्यावर निलंबनाची कारवाई करावी, अशी मागणी देखील यावेळी नगरसेवकांना केली.
अनधिकृत बांधकामांबाबत वारंवार तक्रारी येत होत्या. त्यावरुन प्रशासन आणि सत्ताधाऱ्यांची देखील बदनामी केली जात होती. त्यामुळे ही कारवाई व्हावी म्हणून प्रशासनाला पावले उचलण्यास सांगितले आहे. चुकीच्या पध्दतीने किंवा राजकीय सुडबुध्दीने कारवाई करण्यात आली नसल्याचे महापौर नरेश म्हस्के यांनी स्पष्ट केले.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
