तालिबानने अफगाणिस्तानावर वर्चस्व प्राप्त केल्यानंतर तेथील परिस्थिती भयावह झालेली आहे.तालीबान्यांपासून आपल्या कुटुंबाना वाचवण्यासाठी अफगाणी नागरिक प्रयत्न करत आहेत.अशातच अफगाणिस्तानमधील एका मुलीने हॉलिवूडमधील अभिनेत्री अँजलिना जोलीकडे मदत मागितली आहे.अँजलिनाला त्या मुलीने पत्र लिहिले होते.हे पत्र अँजलिनाने तिच्या पहिल्या इन्स्टाग्राम पोस्टच्या माध्यमातून शेअर केले आहे.
या पोस्टमध्ये अँलजिनाने त्या मुलीचे पत्र आणि बुरख्यात असलेल्या स्त्रियांचा एक फोटो शेअर केला आहे. हे पत्र शेअर करत ‘मला हे पत्र अफगाणिस्तान मधील एका मुलीने पाठवले आहे. सध्या अफगाणिस्तानच्या लोकांकडे सोशल मीडियावर संवाद साधण्यासाठी किंवा त्यांची प्रतिक्रिया मुक्तपणे देण्याची क्षमता नाही. त्यामुळे त्यांची कहाणी आणि जगभरातून त्यांच्या मूलभूत हक्कांसाठी लढणाऱ्या लोकांचे आवाज शेअर करण्यासाठी मी इन्स्टाग्रामवर आली आहे’ असे अँजलिना म्हणाली.
अँजलिना म्हणाली, ‘ही गोष्ट २० वर्षांपूर्वीची आहे. ९/११ घटनेच्या दोन आठवड्यांआधी मी अफगाणिस्तानच्या सीमेवर होते, तिथे माझी भेट तालिबानमधून पळून आलेल्या अफगाणिस्तानच्या लोकांशी झाली. अफगाणिस्तानच्या लोकांना पुन्हा एकदा अशा परिस्थितीत पाहणे धक्कादायक आहे. इतका वेळ आणि पैसा खर्च करणे, रक्त गाळत मेहनत करणे आणि मग हे असं सगळ गमवणे, या गोष्टीला समजून घेण जवळजवळ अशक्य आहे.’
‘कित्येक दशकांपासून अफगाणच्या लोकांना पाहत आहे. ते लोक जगातील सर्वात सक्षम लोकांपैकी एक आहेत. त्यांना मिळणारी वागणूक पाहून वाईट वाटतंय. जर त्यांच्याकडे सगळी साधणे आणि सुविधा असत्या तर त्यांना स्वत: साठी किती गोष्ट करता आल्या असत्या. मी अशा अनेक मुलींना भेटली ज्यांना फक्त शिक्षणच नाही तर शिक्षणासाठी त्यांनी लढा ही दिला होता. वचनबद्ध असलेल्या इतरांप्रमाणे, मी मागे हटणार नाही. मी मदतीसाठी मार्ग शोधत राहीन आणि मला आशा आहे की तुम्ही सगळे माझी साथ द्याल’.
Credits and Copyrights – lokshahinews.com
