कल्याण रेल्वे पोलिसाची कारवाई
कल्याण : कानपूरहून मुंबईकडे येणाऱ्या पुष्पक एक्सप्रेसच्या जनरल डब्यात इगतपुरी ते कसारा दरम्यान दरोडा टाकत प्रवाशाचे मोबाईल आणि रोख रक्कम हत्याराच्या धाकाने काढून घेणार्या दरोडेखोरांनी एका २० वर्षीय प्रवासी महिलेशी लगट करत तिच्यावर अत्याचार केल्याची निंदनीय घटना घडली होती. याप्रकरणी सर्व आरोपीना अटक करण्यात आली असून त्यांच्याकडून ३४ हजारांचा मुद्देमाल जप्त करण्यात आला असल्याचे कल्याण जेआरपी पोलिस स्टेशनचे वरिष्ठ पोलिस निरीक्षक वाल्मीक शार्दूल यांनी सांगितले आहे.
इगतपुरी स्थानकातून एक्स्प्रेस मुंबईच्या दिशेने निघाली असताना आठ जण एक्स्प्रेसमध्ये चढले. एक्स्प्रेसने इगतपुरी स्टेशन सोडताच या आठ जणांनी प्रवाशांना मारहाण करण्यास सुरुवात केली. हे सर्व दरोडेखोर प्रवाशांकडून मोबाईल आणि पैसे हिसकावून घेत होते. प्रतिकार करणाऱ्या प्रवाशांना त्यांनी बेदम मारहाण करायला सुरुवात केली. १६ प्रवाशांना या दरोडेखोरांनी लुटले त्याच्याकडून मोबाईल व रोकड हिसकावून घेतली. दरोडेखोर इथेच थांबले नाही तर त्यांनी पती सोबत प्रवास करणाऱ्या २० वर्षीय महिलेची छेड काढत तिच्यावर अत्याचार केला.
काही प्रवाशांनी दोन आरोपीला पकडून दिले. त्यानंतर कल्याण रेल्वे पोलिसांनी तातडीने आठ जणांविरोधात गुन्हा दाखल करत आरोपींचा शोध सुरू होत. या प्रकरणी चार आरोपीना रविवारी अटक करण्यात आली होती. त्याच दिवशी रात्री उशिराने आणखी एका आरोपीला अटक करण्यात आली तर उर्वरीत तीन फरार आरोपीचा शोध कल्याण रेल्वे पोलिसांची पथके घेत होती.
सर्व आरोपी इगतपुरी घोटी परिसरातील असल्याची माहिती मिळताच पोलिसाचे पथक मागील २४ तास या भागात आरोपीचा माग काढत होते. अखेर या प्रकरणातील आठही आरोपीना अटक करण्यात आली आहे. अर्षद शेख, प्रकाश पारधी, अर्जुन परदेशी, किशोर सोनवणे, काशीनाथ उर्फ काश्या तेलंग, आकाश शेनोरे, धनंजय भगत उर्फ गुड्डू, राहुल आडोळे अशी आरोपींची नावे आहेत. तर त्यातील शेनोरे याच्यावर इगतपुरी पोलिस ठाण्यात ३९५ कहा गुन्हा दाखल असून काशीनाथ तेलंग यावर ३२४ कहा गुन्हा दाखल आहे. आरोपीना १६ तारखेपर्यंत पोलीस कोठडी सुनावण्यात आली आहे.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
