मुंबई : भाजप नेते किरीट सोमय्या हे आपल्यावर करत असलेले आरोप तथ्यहीन असून राजकीय स्वार्थापोटी केले गेलेले आहेत. त्याबद्दल त्यांनी 72 तासांत बिनशर्त लेखी माफी मागावी अन्यथा 100 कोटी रुपयांच्या अब्रुनुकसानीचा दावा ठोकणार’, असा इशारा परिवहन मंत्री अॅड. अनिल परब यांनी दिला आहे. त्यासंदर्भात त्यांनी सोमय्या यांना कायदेशीर नोटीसही बजावली आहे.
अनिल परब यांनी अॅड. सुषमा सिंग यांच्यामार्फत किरीट जयंतीलाल सोमय्या यांना नोटीस पाठवली आहे. सोमय्या यांचे सर्व आरोप अनिल परब यांनी फेटाळून लावले आहेत. सोमय्या हे मे 2021 पासून राजकीय सूडापोटी आणि वैयक्तिक आकसातून आपल्यावर मीडियासमोर विशेषकरून सोशल मीडियावरून आरोप करून परब यांची प्रतिमा मलिन करत आहेत. त्यांच्या आरोपांमुळे परब यांच्या वैयक्तिक व सामाजिक प्रतिष्ठेला ठेच पोहोचली आहे असे या नोटीशीत म्हटले आहे.
This Post has been Retrieved from RSS feed. We do not claim the copyright of this post.
