उस्मानाबाद : महाराष्ट्राची कुलस्वामिनी आणि साडे तीन शक्तीपीठांपैकी एक पूर्ण पीठ असलेल्या आई तुळजाभवानी देवीची आज शारदीय नवरात्र उत्सवानिमित्त भवानी तलवार अलंकार महापूजा करण्यात आली. यावेळी देवीला छत्रपती शिवाजी महाराज यांनी अर्पण केलेले शिवकालीन दागिने आणि अलंकार घालण्यात आले. त्यात राजा शिव छत्रपती असे अक्षर कोरलेले सोन्याची 108 राजमुद्रा असलेली माळ भवानीला घालण्यात आली.
स्वराज्य स्थापनेसाठी आणि दुष्टांचा संहार करुन प्रजेचे रक्षण करण्यासाठी तुळजाभवानी देवीने छत्रपती शिवाजी महाराज यांना भवानी तलवार आशीर्वाद म्हणून भेट दिली होती. त्यामुळे छत्रपती शिवाजी महाराज आई भवानीचे दर्शन घेताना आणि तलवार घेतानाच देखावा मांडण्यात आला. तुळजाभवानी देवी आणि शिवाजी महाराज यांचे नाते अतुट आहे, भक्तांनी ‘जय भवानी जय शिवाजी’ असा जयघोष करीत तुळजाभवानी देवीचे दर्शन घेतले.
This Post has been Retrieved from RSS feed. We do not claim the copyright of this post.
