मुंबई : साकीनाका अत्याचारप्रकरणी मृत महिलेच्या कुटुंबीयांची बाजू मांडण्यासाठी शासनाने नियुक्त केलेले वकील राजा ठाकरे यांच्याऐवजी नितीन सातपुते यांची नियुक्त करावी, अशी मागणी मृत महिलेच्या आईने मुख्यमंत्री उद्धव ठाकरे यांच्याकडे केली आहे. साकीनाका येथे महिलेवर बलात्कार करून निघृणपणे हत्या करण्यात आली. हा खटला चालविण्यासाठी सरकारने राजा ठाकरे यांची सरकारी वकील म्हणून नियुक्ती केली आहे.
पण आरोपींना कठोर शिक्षा होण्यासाठी अनुसूचित जाती जमाती अत्याचार प्रतिबंधक कायदा तसेच अशी प्रकरणे हाताळणाऱ्या तज्ज्ञ वकिलांची नियुक्ती होणे गरजेचे आहे. नितीन सातपुते यांनी अशा प्रकारची अनेक प्रकरणे मार्गी लावलेली आहेत. त्यांचा या विषयामधील अभ्यास असल्यामुळे या खटल्यात सरकारी वकील म्हणून सातपुते यांची नियुक्ती करावी, अशी विनंती करण्यात आली आहे.
This Post has been Retrieved from RSS feed. We do not claim the copyright of this post.
