मुंबई : सिंधुदुर्गातील चिपी विमानतळाच्या उद्घाटन समारंभाला केंद्रीय मंत्री नारायण राणे आणि मुख्यमंत्री उद्धव ठाकरे हे एकाच व्यासपीठावर उपस्थित राहणार आहेत. माजी मुख्यमंत्री देवेंद्र फडणवीस यांनी याबाबत सामंजस्याची भूमिका घेतल्यानंतर उद्योगमंत्री सुभाष देसाई यांनीही समारंभाला मुख्यमंत्री उद्धव ठाकरे व केंद्रीय मंत्री ज्योतिरादित्य शिंदे उपस्थित राहणार असल्याचे बुधवारी स्पष्ट केले.
सिंधुदुर्गातील चिपी विमानतळाचे उद्घाटन ९ ऑक्टोबर रोजी नागरी उड्डयनमंत्री ज्योतिरादित्य शिंदे यांच्या हस्ते होणार असून उद्घाटनाला मुख्यमंत्र्यांना बोलावलेच पाहिजे असे काही नाही, असे विधान केंद्रीय मंत्री नारायण राणे यांनी मंगळवारी नवी दिल्लीत पत्र परिषदेत केले होते. त्यावरून राणे आणि शिवसेना यांच्यातील राजकीय वादाला आणखी एक फोडणी मिळाली होती. फडणवीस यांनी ‘केंद्र आणि राज्य सरकारने समन्वयातून काम करायचे असते’ असे विधान करीत सामंजस्याची भूमिका घेताली आहे.
This Post has been Retrieved from RSS feed. We do not claim the copyright of this post.
