कल्याण : मुख्यमंत्री उद्धव ठाकरे यांच्या हस्ते मंगळवारी डोंबिवली पूर्व पश्चिम जोडणाऱ्या कोपर पुलासह महानगरपालिका क्षेत्रातील विविध उपक्रमांचे ऑनलाईन लोकार्पण केले जाणार आहे.
डोंबिवली पूर्व पश्चिम जोडणारे कोपर पूल सप्टेबर २०१९ रोजी वाहतुकीसाठी बंद करण्यात आले असले तरी या पुलाच्या कामासाठी ठेकेदारच मिळत नसल्याने रखडलेले पुलाचे काम पालिका प्रशासनाने सव्वा वर्ष इतक्या विक्रमी वेळेत पूर्ण करत नागरिकांना वाहनचालकांना दिलासा दिला आहे. या पुलाबरोबरच मुख्यमंत्र्यांच्या हस्ते सावळाराम म्हात्रे क्रीडा संकुलातील आणि रुक्मिणीबाई रुग्णालयातील ऑक्सिजन प्लांट, रुक्मिणीबाई व डोंबिवलीतील शास्त्रीनगर रुग्णालयातील अत्याधुनिक शस्त्रक्रियागृह, ग्रामीण भागातील आय प्रभागातील नागरी आरोग्य केंद्र, आंबिवलीमधील जैवविविधता उद्यान, तेजस्विनी बस आणि कल्याण-डोंबिवली शहर दर्शन बस, टिटवाळा अग्निशमन केंद्र या सारख्या आठ प्रकल्पाचे लोकापर्ण केले जाणार असून हा कार्यक्रम मंगळवारी दुपारी १ वाजता पालिकेच्या डोंबिवलीमधील सावित्रीबाई फुले नाट्यगृहात होणार आहे.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
