पुणे : २०२१-२२ च्या खरीप हंगामासाठी ई-पीक (E-peek Deadline) पाहणी मोबाईल अँपद्वारे माहिती भरण्यास १४ ऑक्टोबर २०२१ पर्यंत मुदतवाढ दिल्याची माहिती जमाबंदी आयुक्त आणि संचालक एन.के. सुधांशु यांनी दिली आहे. ई-पीक पाहणीची माहिती भ्रमणध्वनीवरील अँपद्वारे गाव नमुना नंबर १२ मध्ये नोंदविण्यासाठी ”ई-पीक पाहणी” कार्यक्रम संपूर्ण राज्यात १५ ऑगस्ट पासून सुरु केला आहे.
या अँपद्वारे आतापर्यंत सुमारे ७० लाखापेक्षा अधिक शेतकऱ्यांनी ई-पीक पाहणी भ्रमणध्वनी ॲपद्वारे नोंदणी केली आहे. खरीप हंगामासाठी सदर अँपद्वारे माहिती भरण्याची मुदत ३० सप्टेंबर २०२१ पर्यंत देण्यात आलेली होती.(E-peek Deadline)
परंतु दरम्यानच्या काळात राज्याच्या विविध भागात अतिवृष्टी झाल्यामुळे अनेक खातेदारांची नोंदणी करणे अद्यापही प्रलंबित आहे. ई-पीक पाहणी राज्यस्तरीय अंमलबजावणी समितीच्या आज झालेल्या बैठकीमध्ये राज्यात झालेल्या अतिवृष्टीमुळे शेतकऱ्यांना ई-पीक पाहणी भ्रमणध्वनी अँपद्वारे माहिती भरण्यास अडचणी निर्माण झाल्यामुळे मुदतवाढ देण्यात आली आहे. तरी या सुविधेचा लाभ राज्यातील शेतकऱ्यांनी घ्यावा, असे आवाहन श्री.सुधांशु यांनी केले आहे. (E-peek Deadline)
E-Peek Pahani ‘माझी शेती माझा सातबारा, मीच नोंदविणार माझा पीकपेरा’
This Post has been Retrieved from RSS feed. We do not claim the copyright of this post.
