पुणे : देवेंद्र फडणवीस हे दबंग नेते आहेत, आणि ते १०० अजितदादा पवार खिशात घेऊन फिरतात, अशी टीका भाजप प्रदेशाध्यक्ष चंद्रकांत पाटील यांनी केली होती. त्यावर राष्ट्रवादीच्या महिला प्रदेशाध्यक्ष रुपाली चाकणकर यांनी ट्विट करत त्यांना टोला लगावला आहे. रुपाली चाकणकर म्हणाल्या की चंद्रकांत दादा हे महाराष्ट्राला पडलेले एक गोड स्वप्न आहे. चंद्रकांतदादा हे सध्या महाराष्ट्राला निखळ मनोरंजन आणि आनंद देतात म्हणून राज्याचे अर्थमंत्री अजितदादा पवार यांना माझी विनंती आहे की, दादा आपण चंद्रकांत दादा पाटलांवर करमणूक कर लावावा. तसेही केंद्र सरकार आपल्या राज्याचे जीएसटीचे पैसे आपल्याला देत नाहीये. किमान चंद्रकांत पाटलांच्या करमणूक करामुळे आपल्या राज्याचा काही भार हलका होईल, अशी उपहासात्मक टीका चाकणकर यांनी केली आहे.
This Post has been Retrieved from RSS feed. We do not claim the copyright of this post.
