सिंधुदुर्ग : सिंधुदुर्ग जिल्ह्यातील एकूण १२ पोलीस अधिकाऱ्यांच्या प्रशासकीय बदल्या झाल्या आहेत. त्यातील तीन पोलीस निरीक्षकांच्या बदल्यांना मुदतवाढ देण्यात आली आहे. जिल्ह्याच्या स्थानिक गुन्हा अन्वेषण शाखेचे वरीष्ठ पोलीस निरीक्षक सुनील धनावडे, जिल्हा वाहतूक शाखेचे वरिष्ठ पोलीस निरीक्षक अविनाश भोसले आणि पोलीस निरीक्षक शिवाजी कोळी या तिघांच्या बदल्यांना २०२२ पर्यंत मुदतवाढ देण्यात आली आहे. तर, ओरोस पोलीस ठाण्यात असलेल्या महिला पोलीस उपनिरीक्षक गायत्री पाटील आणि मालवण पोलिस ठाण्यातील उपनिरीक्षक शीतल पाटील या दोघांची रत्नागिरी येथे बदली झाली आहे. तर, पोलीस उपनिरीक्षक शहानवाज मुल्ला यांची रायगड येथे बदली झाली आहे. सहाय्यक पोलीस निरीक्षक अमोल साळुंखे यांची ठाणे ग्रामीण येथे, शिवप्रसाद पवार यांची रायगड, संजय कातीवले यांची रत्नागिरी, आणि योगेश जाधव यांची रायगड येथे बदली झाली आहे. दरम्यान जिल्ह्यात पाच अधिकारी नव्याने आले आहेत. यामध्ये सहाय्यक पोलीस निरीक्षक रविंद्र नरोटे पालघर वरून सिंधुदुर्गात आले आहेत. तर पोलीस उपनिरीक्षकामध्ये विजय सुर्वे, राहुल नळकांडे ठाणे ग्रामीण मधून, शरद देठे, रवींद्र शेंगडे याच्या रायगड येथून सिंधुदुर्ग मध्ये बदल्या झाल्या आहेत.
This News post has been retrieved from RSS feed, We do not claim its copyrights or credits. If you wish have credits contact us.
