ठाणे : रक्षाबंधनाला यंदा रविवार असल्याने होणारी गर्दी लक्षात घेत, नियमित गाड्यांसह ८४ जादा गाड्या विशेष मार्गांवर सोडण्याचा निर्णय घेण्यात आला आहे.
रक्षाबंधन सणाचे दिवशी विभागास नेहमीच समाधानकारक भारमान प्राप्त होत असते. म्हणून गेल्या काही वर्षांचा त्या दिवशी मिळालेले भारमान लक्षात घेत, यावर्षी ३० हजार किलोमीटर भारमान अपेक्षित धरून तशी जय्यत तयारी केली आहे. यावर्षीही या कालावधीत मोठ्या प्रमाणावर प्रवासी गर्दी होणार असल्याची शक्यता असल्याने आगारांनी या दिवशी कमी भारमानातील शालेय व ग्रामीण नियते नियोजित बंद ठेवून त्याऐवजी आगाराचे चांगले भारमान असणाऱ्या मार्गावर मोठ्या प्रमाणात जादा वाहतुक करण्याबाबत सूचना केल्या आहेत. या दिवशी आगारांतील एकही वाहन मार्ग बंद राहणार नाही याची दक्षता वजा काळजी घेण्यास सांगितले आहे.
ज्या मार्गावरील बसेस आरक्षण फुल झाले असेल अशा मार्गावर अतिरिक्त फेऱ्या सोडण्यात याव्या अशाही सूचना आगारप्रमुखांना करण्यात आल्या आहेत. प्रत्येक थांब्यावर एसटी बस थांबविण्यासाठी पथके तैनात केली आहेत. या दोन दिवसात कोणाला त्रास व कोणाची गैरसोय होणार नाही याची काळजी घेतली जाईल. यंदा जादा वाहतूक करण्यासाठी नियमित वाहतुकीसह जादा वाहतूक सोडण्यात येणार आहे. तसेच यंदा सुमारे ३० हजार किलो मीटर भारमान अपेक्षित धरण्यात आले अशी माहिती ठाणे विभागाचे वाहतूक अधिकारी आर एच बांदल यांनी दिली आहे.
अशा सुटणार जादा गाड्या
* ठाणे १ : ठाणे-पुणे ४, ठाणे-बोरीवली ४, ठाणे-भाईदर ३
*ठाणे २: ठाणे-पुणे २, ठाणे-बोरीवली २, ठाणे-पनवेल ६, ठाणे-भिवंडी ३
* भिवंडी: ठाणे-भिवंडी ३, भिवंडी-बोरीवली २, भिवंडी-मुंबई ३ पडघा-ठाणे २
*शहापूर: कसारा-नाशिक ३, भिवंडी-ठाणे २, भिवंडी-कल्याण २, शहापुर किन्हवली ३
*कल्याण: कल्याण-नगर ३, कल्याण-आळेफाटा ३, कल्याण-पनवेल ४, कल्याण-भिवंडी ३
* मुरबाड: मुरबाड-कल्याण ५ मुरबाड किन्हवली ३, मुरबाड-बदलापुर २
* विठ्ठलवाडी: कल्याण-भिवंडी ३, कल्याण-पनवेल ३, कल्याण वाडा ३
* वाडा : वाडा-ठाणे ३, वाडा-पुणे २, वाडा-कल्याण ३
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
