ठाणे : शिवसेनेचे नगरसेवक शैलेश पाटील यांच्या वाढदिवसानिमित्त शहरातील जनतेसाठी 1000 मोफत कोरोना प्रतिबंधक लस मोफत देण्यात आली.
दिव्यात लसीकरण केंद्र कमी असल्याने लस घेण्यासाठी नागरिकांनी गर्दी केली होती. ज्यांना लस उपलब्ध झाली नाही त्यांना लवकरच शिबिर लावून लस उपलब्ध करून दिली जाईल, अशी घोषणा नगरसेवक शैलेश पाटील यांनी यावेळी केली.
प्रथम येणाऱ्यास प्रथम प्राधान्य या तत्वावर नागरिकांना लस उपलब्ध करून देण्यात आली होती. यावेळी शिवसेना कल्याण ग्रामीण विधानसभा संघटक ब्रम्हा पाटील, नगरसेवक अमर पाटील, विभागप्रमुख भालचंद्र भगत, उमेश भगत आदींसह अनेक कार्यकर्ते उपस्थित होते. शैलेश पाटील यांच्या कार्यालयात हा उपक्रम राबविण्यात आला.
दिवा विकास प्रतिष्ठान व डॉ. श्रीकांत शिंदे मित्र मंडळ यांच्या संयुक्त विद्यमाने हा उपक्रम राबविण्यात आला. सध्या नागरिकांना लोकल प्रवासासाठी कोरोना लस गरजेची आहे; मात्र सरकारी केंद्रावर मिळणाऱ्या मोफत लसीच्या अपुऱ्या साठ्यामुळे लोकांना लस उपलब्ध होत नाही. नागरिकांची ही अडचण लक्षात घेऊन नगरसेवक शैलेश पाटील यांनी वाढदिवसाचा सर्व कार्यक्रम रद्द करून नागरिकांना मोफत लस उपलब्ध करून देण्याचा निर्णय घेतला. खासगी कोट्यातून एक हजार लस विकत घेऊन त्या नागरिकांना मोफत देण्याचा लोकोपयोगी निर्णय शैलेश पाटील यांनी घेतला.
एखाद्या लोकप्रतिनिधीने कोरोना लस स्वखर्चाने विकत घेऊन मोफत उपलब्ध करून देण्याचा हा महाराष्ट्र राज्यात पहिलाच प्रकार असल्याचे पाटील यांचे कार्यकर्ते सांगत आहेत. नागरिकांनी या उपक्रमाचे कौतुक करत शैलेश पाटील यांचे आभार मानले आहेत.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
