कोरोनाच्या पार्श्वभूमीवर सण, उत्सव साधेपणाने साजरे करण्याबाबत राज्य शासनाने मार्गदर्शक सूचना (Ganpati 2021 Guidelines) लागू केल्या आहेत. त्यामुळे यंदा ठाणेकरांनी गणेशमूर्तींचे विसर्जन करण्याकरिता घराबाहेर पडू नये, तसेच ठाणेकरांची गैरसोय होऊ नये याकरिता यंदाही शहरामध्ये प्रत्येक प्रभाग समितीमध्ये फिरती विसर्जन व्यवस्था निर्माण करण्यात येणार आहे, अशी माहिती महापालिका आयुक्त डॉ. विपिन शर्मा यांनी दिली. कोरोना विषाणूच्या अनुषंगाने यावर्षीही सर्व धर्मीय सण, उत्सव तसेच सर्व कार्यक्रम अतिशय साधेपणाने साजरे करण्यात येत आहेत. यावर्षीही ठाण्यात गणेश विसर्जनाच्या वेळी होणारी गर्दी टाळण्याकरिता ठाणे महानगरपालिका वेगवेगळ्या उपाययोजना करत आहे. त्याकरिता कृत्रिम तलावासह स्वीकृती केंद्रे तयार करण्यात येणार आहेत. त्याचप्रमाणे डीजी ठाणे प्रणालीद्वारे गणेश विसर्जनाकरिता ऑनलाईन टाईम स्लॉट बुकिंग योजनादेखील राबविण्यात येणार आहे.
Ganpati 2021 Guidelines : यंदाही फिरती विसर्जन व्यवस्था करण्यात येणार
कोरोनाच्या पार्श्वभूमीवर महापालिका क्षेत्रामधील गणेशमूर्तींचे विसर्जन करण्याकरिता भाविकांची गैरसोय होऊ नये याकरिता यंदाही फिरती विजर्सन व्यवस्था करण्यात येणार आहे. या व्यवस्थेच्या माध्यमातून ट्रॅक्टर किंवा जीपच्या मागे सिंटेक्स टाकीच्या माध्यमातून कृत्रिम विसर्जन व्यवस्था निर्माण करण्यात येणार आहे. या ठिकाणी विसर्जनाकरिता महापालिकेतर्फे स्वयंसेवक नेमण्यात येणार आहेत. तसेच निर्माल्याकरिता स्वतंत्र व्यवस्था करण्यात येणार आहे, असेही पालिकेने स्पष्ट केले.
महापालिकेच्या प्रत्येक वाहनांच्या मदतीने ही फिरती विसर्जन व्यवस्था
भाविकांना विसर्जनाकरिता आरती घरीच करावी लागणार आहे. महापालिकेने तयार केलेल्या या फिरत्या विसर्जन व्यवस्थेंतर्गत श्री गणेशाचे कृत्रिम तलावामध्ये ज्याप्रमाणे विधीवत विसर्जन करण्यात येते त्याच पद्धतीने श्रींचे विसर्जन करण्यात येणार आहे. महापालिकेच्या प्रत्येक प्रभाग समितीमध्ये वाहनांच्या मदतीने ही फिरती विसर्जन व्यवस्था करण्यात येणार असल्याची माहितीदेखील शर्मा यांनी दिली. (Ganpati 2021 Guidelines)
येथे क्लिक करून आमच्या (Koo) कू प्रोफाइलमध्ये सामील व्हा.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has been retrieved from RSS feed, We do not claim its copyrights or credits. If you wish have credits contact us.
