स्रोत: रत्नागिरी खबरदार
अमरावती : केंद्र सरकारने पेट्रोल, डिझेल वरील उत्पादन शुल्क कमी केले आहे. त्यामुळे पेट्रोलवर 5 आणि डिझेलवर 10 रुपये कमी झाले आहेत. आता राज्यांनी देखील त्यांचा कर कमी करून जनतेले सवलत द्यावी अशी मागणी अमरावतीच्या खासदार नवनीत राणा यांनी शुक्रवारी केली. यासंदर्भात खा. राणा म्हणाल्या की, केंद्र सरकारने दिवाळी भेट म्हणून पेट्रोल आणि डिझेलवर सूट दिली आहे.
शिवसेनेचे खासदार संजय राऊत म्हणतात 5 आणि 10 रुपयांनी काय होते. केंद्र सरकारने दर कमी करुन भेट दिली आहे. तर आपण महाराष्ट्र सरकारने दिवाळी भेट म्हणून इंधनावरुन कर आकारल्यानंतर येणारा जो 12 रुपये नफा आहे तो कमी करुन सवलत द्यायला पाहिजे.
संजय राऊत आपण केंद्रावर प्रत्येक गोष्टीवरुन टीका करता पण आपल्या महाराष्ट्रात एसटीचे कर्मचारी आत्महत्या करत आहेत. दिवाळीच्या दिवशी आंदोलन करत आहेत. त्यांची मागणी आपण का पूर्ण करत नाही असा सवाल खा. राणा यांनी उपस्थित केला.
This Post has been Retrieved from RSS feed. We do not claim the copyright of this post.
