मेगा ब्लॉक | रविवारी मेगाब्लॉक कुठे आहे ते जाणून घ्या, संपूर्ण माहिती येथे वाचा

मुंबई : रविवारी विविध अभियांत्रिकी आणि देखभालीच्या कामांसाठी मध्य रेल्वेवरील उपनगरीय भागांवर मेगाब्लॉक असणार आहे. सकाळी 10.48 ते दुपारी 3.49 वाजेपर्यंत सीएसएमटीहून सुटणाऱ्या डाऊन स्लो सेवा सीएसएमटी आणि विद्याविहार स्थानकांदरम्यान डाऊन फास्ट मार्गावर वळवण्यात येईल, मशीद, सँडहर्स्ट रोड, चिंचपोकळी, करी रोड, विद्याविहार येथे थांबणार नाही आणि पुन्हा डाऊन मार्गावर वळवण्यात येईल.

सकाळी १०.४१ ते दुपारी ३.५२ पर्यंत घाटकोपरहून सुटणाऱ्या अप धीम्या गाड्या विद्याविहार, करी रोड, चिंचपोकळी, सँडहर्स्ट रोड आणि मशीद स्थानकावर न थांबता विद्याविहार ते सीएसएमटी दरम्यान अप जलद मार्गावर वळवण्यात येतील.

हार्बर मार्गावर ब्लॉक

सकाळी 10.33 ते दुपारी 3.49 वाजेपर्यंत पनवेलहून सीएसएमटीसाठी सुटणाऱ्या अप हार्बर मार्गावरील सेवा आणि पनवेल/बेलापूरसाठी सीएसएमटीहून सकाळी 9.45 ते दुपारी 3.12 वाजेपर्यंत सुटणाऱ्या डाऊन हार्बर मार्गावरील सेवा रद्द राहतील. सकाळी 11.02 ते दुपारी 3.53 वाजेपर्यंत पनवेल ते ठाण्याकडे जाणाऱ्या अप ट्रान्सहार्बर मार्गावरील सेवा आणि सकाळी 10.01 ते दुपारी 3.20 वाजेपर्यंत ठाणे ते पनवेल सोडणाऱ्या डाऊन ट्रान्सहार्बर मार्गावरील सेवा रद्द राहतील.

दिनांक 27.2.2022 रोजी मेगा ब्लॉक. pic.twitter.com/oN6FtnJSPM

— मध्य रेल्वे (@Central_Railway) 26 फेब्रुवारी 2022

पश्चिम रेल्वेवर एकही दिवस ब्लॉक नाही

ब्लॉक कालावधीत बेलापूर ते खारकोपर/नेरुळ दरम्यानच्या उपनगरीय रेल्वे सेवा वेळापत्रकानुसार धावतील. ठाणे-वाशी/नेरुळ स्थानकांदरम्यान ट्रान्सहार्बर लाईन सेवा उपलब्ध असेल. मुंबई-वाशी या मार्गावर विशेष उपनगरीय गाड्या धावणार आहेत. पश्चिम रेल्वेवर दिवसभर मेगाब्लॉक असणार नाही.