मुंबई आप | मनीष सिसोदिया यांच्या दिल्लीतील अटकेवर मुंबईत आपचे आंदोलन

मुंबई : दिल्लीचे उपमुख्यमंत्री मनीष सिसोदिया यांच्या अटकेनंतर आम आदमी पक्षाच्या (आप) नेत्यांमध्ये प्रचंड संताप आहे. या अटकेविरोधात आप नेते आणि कार्यकर्त्यांनी सोमवारी चर्चगेट स्थानक ते मुंबईतील भाजप कार्यालयापर्यंत निषेध मोर्चा काढला.

आमचा पक्ष देशात वेगाने वाटचाल करत असल्याचे आपच्या मुंबई अध्यक्षा प्रीती शर्मा मेनन यांनी सांगितले. त्यामुळे पंतप्रधान नरेंद्र मोदी यांचे भाजप सरकार धास्तावले आहे. या भीतीपोटी भ्याड आणि घाणेरडे राजकारण करताना आमच्या नेत्यांना सीबीआयसारख्या सरकारी यंत्रणेमार्फत अटक केली जात आहे.

हे पण वाचा

भाजप सरकारच्या हुकूमशाही वृत्तीविरोधात आवाज उठवत राहणार

चर्चगेटहून भाजप कार्यालयाकडे जात असताना आप नेते आणि कार्यकर्त्यांना पोलिसांनी अटक केली. या निषेध मोर्चात आपचे मुंबई कार्याध्यक्ष रुबेन मस्करेन्हास, उपाध्यक्ष पायस वर्गीस, द्विजेंद्र तिवारी, मेहमूद देशमुख यांच्यासह सर्व पदाधिकारी व कार्यकर्ते सहभागी झाले होते. भाजप सरकारच्या या हुकूमशाही वृत्तीविरोधात आम्ही रस्त्यावर उतरून आवाज उठवत राहू, असे आम आदमी पार्टीचे मुंबईचे कार्याध्यक्ष रुबेन मस्करेन्हास यांनी सांगितले.