ठाणे: दक्षिण आफ्रिकेमध्ये ओमिक्रॉन या विषाणूचा फैलाव वेगाने होत असल्यामुळे त्या पार्श्वभूमीवर ठाणे शहरात ज्या पायाभूत सुविधांची आवश्यकता आहे त्या सर्व सुविधा अद्ययावत ठेवण्याच्या सूचना महापालिका आयुक्त डॉ. विपीन शर्मा यांनी सर्व अधिका-यांना दिल्या.
ओमिक्रॉन या विषाणूच्या फैलावाचा सामना करण्यासाठी ठाणे महापालिका सज्ज झाली असून नागरिकांनी या नव्या विषाणूबाबत घाबरुन न जाता आपल्या आरोग्याच्या दृष्टीने आवश्यक ती सर्व खबरदारी घ्यावी, असे आवाहन महापौर नरेश म्हस्के व आयुक्त डॉ. विपीन शर्मा यांनी केले आहे.
कै.नरेंद्र बल्लाळ सभागृह येथे ओमिक्रॉन या नव्या विषाणूच्या पार्श्वभूमीवर महापालिकेच्यावतीने करण्यात येणाऱ्या उपाययोजना आणि सुविधांबाबतच्या आढावा बैठकीत बोलत होते. या बैठकीस अतिरिक्त आयुक्त 2 संजय हेरवाडे, उपआयुक्त मनीष जोशी, अशोक बुरपल्ले, सर्व प्रभाग समितीचे सहाय्यक आयुक्त व आरोग्य विभागाचे अधिकारी कर्मचारी उपस्थित होते.
नव्या विषाणूच्या फैलावाबाबत आरोग्याची काळजी घेण्याच्या दृष्टीकोनातून नागरिकांनी मास्क वापरणे, आवश्यकता नसल्यास गर्दीच्या ठिकाणी जाणे टाळणे, सोशल डिस्टन्सींगचे पालन करणे, हात स्वच्छ धुणे आदीं गोष्टीचे पालन करणे गरजेचे असल्याचे या बैठकीत नमूद करण्यात आले. सद्यस्थ‍ितीत ठाणे महापालिकेच्या पार्किंगप्लाझा या कोविड रुग्णालयात आवश्यक औषधसाठा, व्हेटीलेंटर, ऑक्सीजन सुविधा व इतर वैदयकीय सुविधा तसेच रुग्ण्वाहिका सज्ज ठेवण्याच्या सूचना आरोग्य विभागास व सर्व अधिकाऱ्यांना दिल्या. यावेळी उपस्थित असलेले आयएमएचे अध्यक्ष व टास्क फोर्स समितीचे सदस्य डॉ.संतोष कदम, डॉ. आनंद भावे, डॉ. योगेश शर्मा यांनी देखील यांनी या नवीन विषाणूच्या फैलावाबाबत महापालिका अधिकाऱ्यांना माहिती देत करावयाच्या उपाययोजना करण्याच्या सूचना आरोग्य विभागाला दिल्या.
ठाणे शहरात 12 नोव्हेंबरपासून आजपर्यत परदेशातून सात व्यक्ती ठाणे शहरात आलेल्या आहेत, त्यांच्याशी दैनंदिन संपर्क साधून त्यांची आरटीपीसीआर चाचणी करणे व आवश्यकता भासल्यास त्यांना क्वारंटाईन करण्याच्या सूचना महापालिका आयुक्तांनी संबंधित अधिकाऱ्यांना दिल्या.
नागरिकांनी देखील शहरात फिरत असताना मास्कचा वापर करणे गरजेचे आहे तसेच गरज नसल्यास गर्दीची ठिकाणी जाणे टाळावे व महापालिका देत असलेल्या सर्व सूचनांचे पालन करुन नागरिकांनी स्वत:ची काळजी घेण्याचे आवाहन महापौर नरेश म्हस्के व आयुक्त डॉ. विपीन शर्मा यांनी केले आहे.
स्रोत – ठाणे वैभव
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
