ठाणे : शहरातील कोरोना रूग्णसंख्या कमी होत चालली असून आज ४१ नवीन रुग्णांची भर पडली आहे. महापालिका हद्दीतील प्रभाग समिती क्षेत्रात मानपाडा-माजीवडा प्रभाग समितीमध्ये सर्वाधिक १७ रूग्ण सापडले आहेत. १२जण कळवा प्रभाग समिती येथे वाढले आहेत. प्रत्येकी तीन रुग्णांची भर मुंब्रा आणि वागळे प्रभाग समिती परिसरात पडली आहे. वर्तकनगर आणि उथळसर प्रभाग समिती भागात प्रत्येकी दोन रूग्ण मिळाले आहेत. नौपाडा-कोपरी आणि लोकमान्य-सावरकरनगर प्रभाग समिती क्षेत्रात प्रत्येकी एका रूग्णाची नोंद करण्यात आली आहे तर दिवा प्रभाग समिती येथे एकही रुग्ण नोंदवला गेला नाही.
विविध रुग्णालयात आणि घरी उपचार घेत असलेल्या रुग्णांपैकी ५६जण कोरोनामुक्त झाले आहेत. आत्तापर्यंत एक लाख ३४ हजार ४२जण ठणठणीत बरे होऊन घरी गेले आहेत तर रुग्णालयात आणि घरी ४९१जणांवर उपचार सुरू आहेत. आज एकाही रुग्णाचा मृत्यू झाला नसून आत्तापर्यंत दोन हजार ७४जण दगावले आहेत.
महापालिका प्रशासनाने काल शहरातील दोन हजार ४४८ नागरिकांची कोरोना चाचणी घेतली होती. त्यामध्ये ४१जण बाधित मिळाले आहेत. आत्तापर्यंत १८ लाख ७२ हजार ८०४ ठाणेकरांची चाचणी घेण्यात आली असून त्यामध्ये एक लाख ३६ हजार ६०७जण बाधित सापडले आहेत.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
