मुंबई : शिवसेना खासदार संजय राऊत यांनी शिवसेनेच्या मुखपत्रातून चंद्रकांत पाटील यांच्यावर बोचरी टीका केली होती. चंद्रकांत पाटलांच्याच तोंडाला फेस आल्याचं ते म्हणाले होते. त्यानंतर, आता चंद्रकांत पाटील यांच्यावर सव्वा रुपयांच्या मानहानीचा खटला दाखल करणार असल्याचं ते म्हणाले. संजय राऊत हे आपणाविरुद्ध सव्वा रुपयांचा खटला दाखल करणार असल्यासंदर्भात चंद्रकांत पाटील यांना पत्रकारांनी प्रश्न विचारला असता त्यावर, पाटील यांनी उत्तर दिलंय. संजय राऊत हे माझे मित्र आहेत, त्यामुळे ते जे मानहानीचा दावा दाखल करणार आहेत, तो त्यांनी वाढवावा. मानहानीचा दाव्याची रक्कम वाढवावी. कारण, मान फक्त सव्वा रुपयांचा नाही, त्यांच्या मानहानीची किंमत त्यांनी ठरवावी, पण ती सव्वा रुपया नक्कीच नाही, असे म्हणत चंद्रकांत पाटील यांनी संजय राऊतांना चिमटा काढला आहे.
This Post has been Retrieved from RSS feed. We do not claim the copyright of this post.
