पुणे : राष्ट्रवादी काँग्रेसचे अध्यक्ष आणि आघाडी सरकारची मोट बांधणारे जेष्ठ नेते शरद पवार यांनीच आज उच्च व तंत्रशिक्षणमंत्री उदय सामंत यांच्या पाठीवर कौतुकाची थाप दिली आहे. ना. उदय सामंत यांच्या कारकिर्दीत उच्च शिक्षणाला चांगले दिवस येत आहेत याचं समाधान आहे या शब्दात शरद पवारांनी जाहीर कार्यक्रमात कौतुक केलंय. पुणे जिल्ह्यातील अवसरी खुर्द येथील कार्यक्रमात खा. शरद पवार बोलत होते. यावेळी गृहमंत्री दिलीप वळसेपाटील, महसूलमंत्री बाळासाहेब थोरात, शिवसेना नेते संजय राऊत, पणन मंत्री बाळासाहेब यांच्यासह अनेक मान्यवर उपस्थित होते. जेष्ठ नेते शरद पवार यांच्याच मार्गदर्शनाखाली ना. उदय सामंतांनी आपल्या राजकीय वाटचालीला सुरुवात केली होती. आज या जाहीर कार्यक्रमात महाराष्ट्रातील या पॉवरबाज नेत्याने दिलेली कौतुकाची थाप खूप मोठी आहे असे बोलले जात आहे.
This Post has been Retrieved from RSS feed. We do not claim the copyright of this post.
