सिंधुदुर्ग : ब्रिटिश खगोलशास्त्रज्ञ सर जोसेफ नॉर्मन लॅकियर ( Sir Joseph Norman Lockyer ) यांना १८ ऑगस्ट १८६८ मध्ये खग्रास सूर्यग्रहणावेळी विजयदुर्ग किल्ल्यावरून हेलियम वायूचा शोध लागला.
म्हणूनच १८ ऑगस्ट हा दिवस विश्व हेलियम दिन म्हणून साजरा केला जातो. आज सकाळी विजयदुर्ग किल्ल्यावर कोव्हीड-१९ चे सर्व नियम पाळून देवगड पंचायत समिती आणि विजयदुर्ग ग्रामपंचायत यांच्या संयुक्त विद्यमाने १५३ वा विश्व हेलियम दिन साजरा करण्यात आला. नॉर्मन ज्या प्लॅटफॉर्मवरून दुर्बिणीतून सूर्याच निरीक्षण करीत होते, तो आजही साहेबाचा ओटा म्हणून ओळखला जातो. त्याच ठिकाणी सुशोभीकरण करून आज विश्व हेलियम दिन साजरा करण्यात आला. देवगड सभापती लक्ष्मण (रवी) पाळेकर उपसभापती रवींद्र तिर्लोटकर, गटविकास अधिकारी जयप्रकाश परब,सरपंच प्रसाद देवधर यांच्या हस्ते पुष्पहार अर्पण करण्यात आला. जय जवान जय किसान जय विज्ञान जय विज्ञानच्या घोषणा देत हेलियम वायूचा 153 वा वाढदिवस साजरा करण्यात आला. यावेळी उपस्थित मान्यवरांनी हेलियम विषयी माहिती देत जनजागृती केली.
This News post has been retrieved from RSS feed, We do not claim its copyrights or credits. If you wish have credits contact us.
