कल्याण : कोरोना नियमांचे उल्लंघन केल्या प्रकरणी सॉलिटर हॉल सील करण्यात आला असून प्रभाग अधिकारी राजेश सावंत यांनी धडक कारवाई केली आहे.
कल्याण पश्चिमेतील सॉलिटर हॉलमध्ये सोमवारी गोकुळाष्टमीच्या पार्श्वभूमीवर दांडिया क्वीन गायिका फाल्गुनी पाठक यांच्या गायनाच्या कार्यक्रमाचे आयोजन करण्यात आले होते. या कार्यक्रमात गाणी ऐकण्यासाठी नागरिकांनी विशेषतः तरुण-तरुणींनी एकच गर्दी केली होती. गर्दी तर सोडाच मात्र गाणी सुरू होताच जमलेल्या लोकांना ना मास्कचे भान राहिले ना सामाजिक अंतराचे. कोरोना नियमांची पायममल्ली या कार्यक्रमात झाल्याचे दिसून आले. या कार्यक्रमाचा व्हिडियो सोशल मीडियावर चांगलाच व्हायरल होता.
कार्यक्रमात सोशल डिस्टंसिंगचा पुरता फज्जा उडाल्याने महापालिका आयुक्त डॉ. विजय सुर्यवंशी यांच्या निर्देशानुसार प्रभाग क्षेत्र अधिकारी राजेश सावंत यांनी मंगळवारी रात्री ९ वाजता हा हॉल सील केला. पुढील कायदेशीर कारवाई करून नियमानुसार दंड आकारण्यात येणार असल्याचे प्रभागक्षेत्र आधिकारी राजेश सावंत यांनी सांगितले.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
