रविवार मेगा ब्लॉक | लोकलने प्रवास करण्यापूर्वी येथे जाणून घ्या आज कुठे आहे मेगा ब्लॉक, वाचा संपूर्ण माहिती

मुंबई : मध्य रेल्वे, मुंबई विभागाच्या विविध अभियांत्रिकी आणि देखभालीच्या कामांसाठी रविवारी उपनगरीय विभागांवर मेगाब्लॉक घेण्यात येणार आहे. सकाळी 10.48 ते दुपारी 3.49 वाजेपर्यंत सीएसएमटीहून सुटणाऱ्या धीम्या गाड्या सीएसएमटी आणि विद्याविहार स्थानकांदरम्यान डीएन जलद मार्गावर वळवण्यात येतील आणि भायखळा, परळ, दादर, माटुंगा, सायन आणि कुर्ला स्थानकावर थांबतील आणि नंतर पुन्हा धीम्या मार्गावर वळवण्यात येतील.

सकाळी १०.४१ ते दुपारी ३.५२ या वेळेत घाटकोपरहून सुटणाऱ्या अप स्लो सेवा विद्याविहार ते सीएसएमटी दरम्यान जलद मार्गावर कुर्ला, सायन, माटुंगा, दादर, परळ आणि भायखळा स्थानकांवर थांबवून पुन्हा धीम्या मार्गावर वळवण्यात येईल.

पनवेल-मानखुर्द मार्गावर विशेष उपनगरीय गाड्या

सकाळी १०.०३ ते दुपारी ३.५४ वाजेपर्यंत सीएसएमटीहून सुटणाऱ्या अप हार्बर मार्गावरील आणि डाउन हार्बर मार्गावरील सेवा आणि पनवेल/बेलापूर/वाशी डाऊन हार्बर मार्गावरील सेवा रद्द राहतील. ब्लॉक कालावधीत सीएसएमटी ते वांद्रे/गोरेगाव दरम्यानच्या उपनगरीय रेल्वे सेवा वेळापत्रकानुसार धावतील. हार्बर लाईनच्या प्रवाशांना ट्रान्सहार्बर/मेन लाईनवरून सकाळी १०.०० ते दुपारी ४.३० पर्यंत प्रवास करण्याची परवानगी आहे. ब्लॉक कालावधीत पनवेल-मानखुर्द या मार्गावर विशेष उपनगरीय गाड्या धावतील.

25.12.2022 रोजी मेगा ब्लॉक https://t.co/FdeGldu4PL

— मध्य रेल्वे (@Central_Railway) 24 डिसेंबर 2022

पश्चिम रेल्वेवर रविवारी दिवसभराचा ब्लॉक नाही

यामध्ये, ट्रॅक, सिग्नलिंग यंत्रणा आणि ओव्हरहेड उपकरणांच्या देखभालीसाठी, पश्चिम रेल्वे 24/25 डिसेंबरच्या मध्यरात्री मुंबई सेंट्रल ते माहीम स्थानकादरम्यान अप आणि डाऊन जलद मार्गावर रात्री 12 ते पहाटे 4 वाजेपर्यंत ब्लॉक घेईल. ब्लॉक कालावधीत, अप आणि डाऊन जलद मार्गावरील सर्व गाड्या मुंबई सेंट्रल आणि अंधेरी/सांताक्रूझ स्थानकांदरम्यान धिम्या मार्गावरून वळवण्यात येतील. पश्चिम रेल्वेच्या उपनगरीय विभागात रविवारी दिवसभराचा ब्लॉक असणार नाही.