ठाणे : शहरातील नवीन कोरोना रुग्णांची संख्या २८ ने वाढली आहे. जिल्ह्यात सलग दोन दिवस एकही मृत्यू झाला नाही तर २९जण कोरोनामुक्त झाले आहेत.
महापालिका हद्दीतील माजिवडे-मानपाडा प्रभाग समिती क्षेत्रात सर्वात जास्त रूग्ण सापडले आहेत. सहा जणांची भर उथळसरमध्ये, चार रूग्ण वर्तकनगर आणि तीन जण मुंब्रा प्रभाग समिती भागात वाढले आहेत. दोन रूग्ण वागळेमध्ये मिळून आले आहेत. प्रत्येकी एका रुग्णाची नोंद दिवा आणि लोकमान्य-सावरकरनगर प्रभाग समिती येथे झाली आहे. नौपाडा-कोपरी आणि कळवा प्रभाग समिती परिसरात शून्य रूग्ण नोंदवले गेले आहेत.
विविध रुग्णालयात आणि घरी उपचार घेत असलेल्या रूग्णांपैकी २९जण रोगमुक्त झाले आहेत. आत्तापर्यंत एक लाख ४० हजार १७५जण ठणठणीत बरे होऊन घरी गेले आहेत तर रुग्णालयात आणि घरी २९८रुग्णांवर उपचार सुरू आहेत.आज एकही जण दगावला नसून आत्तापर्यंत दोन हजार १०९ रुग्णांचा मृत्यू झाला आहे.
महापालिका प्रशासनाने काल शहरांतील दोन हजार २९४ नागरिकांची चाचणी घेतली होती. त्यामध्ये २८जण बाधित सापडले. आत्तापर्यंत २१ लाख ६२ हजार २८१ ठाणेकरांची चाचणी घेण्यात आली असून त्यामध्ये एक लाख ४२ हजार ५८२ रूग्ण बाधित मिळाले आहेत.
स्रोत – ठाणे वैभव
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
