ठाणे : एसटी विलिनीकरणासाठी संप सुरू असतानाच परिवहन विभागाच्या आवाहनानुसार ठाणे एसटी विभागातील तीन हजार कर्मचाऱ्यांपैकी ६२० कर्मचारी सेवेत पुन्हा सहभागी झाले आहेत. सोमवारी ठाणे विभागातून विविध ठिकाणी सुमारे ५० गाड्या धावल्या.
गेल्या १९ दिवसांपासून एसटी कर्मचाऱ्यांचा संप सुरू आहे. राज्य सरकारने एसटी कर्मचाऱ्यांच्या पगारात वाढ केल्यानंतर काही कर्मचाऱ्यांनी संपातून माघार घेतली आहे. ठाणे विभागात सुमारे तीन हजार कर्मचाऱ्यांपैकी सोमवारी ६२० कर्मचारी कामावर हजर झाले असल्याची माहिती एसटी विभागाने दिली.
अनेक दिवसांनी लालपरी रस्त्यावर दिसू लागल्याने प्रवाशांनी आनंद व्यक्त केला आहे. दिवसभरात साधारण ५० एसटी बस धावल्या आहेत. ठाण्याच्या एसटी डेपोतून ठाणे स्वारगेट, बोरिवली, किन्हवली, कळंबोली, नाशिक आदी ठिकाणी बसेस धावल्या आहेत. एसटीच्या ठाणे विभागात प्रशासकीय ४०८, कार्यशाळा ५५५, चालक ५५७, वाहक ६८०, आणि चालक कम वाहक ८४१ असे मिळून ३०४१ कर्मचारी आहेत. यापैकी सकाळच्या सत्रात सुमारे ६२० कर्मचारी कामावर रुजू झाले आहेत. कर्मचारी हळूहळू कामाला येत असल्याने लवकरच एसटी सेवा पूर्वपदावर येईल आणि प्रवाश्यांना चांगली सेवा मिळेल असा विश्वास प्रशासनाकडून व्यक्त करण्यात आला आहे.
स्रोत – ठाणे वैभव
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
