कल्याण : नायजेरियातून आलेल्या ओमीक्रॉनबाधित दुसरा रुग्ण उपचाराअंती ठणठणीत बरा झाला असून आरटी-पीसीआर अहवाल निगेटिव्ह आल्यानंतर त्यास विलगिकरण कक्षातून घरी पाठवण्यात आले आहे.
महापालिका लसीकरणासाठी करत असलेल्या सर्व्हेक्षणात चार जणांचे एक कुटूंब नायजेरियातून आल्याची माहिती महापालिकेच्या आरोग्य विभागास कळल्यानंतर 2 डिसेंबर रोजी या चारही जणांची आरटी पीसीआर चाचणी करण्यात आली. 3 डिसेंबर रोजी चारही जण पॉझिटीव्ह आढळून आले. या कुटूंबापैकी पती-पत्नी दोघांचेही कोविड लसीकरणाचे दोनही डोसेस झालेले आहेत. उर्वरित दोघांपैकी एक दहा वर्षाचा मुलगा व एक सहा वर्षाची मुलगी आहे.
सदर कुटूंबास महानगरपालिकेच्या कल्याण पश्चिम येथील विलगीकरण कक्षात 3 डिसेंबर रोजी दाखल करण्यात येऊन त्यांचे सॅम्पल जिनोम सिक्वेंसिंगसाठी पाठविण्यात आले होते. आज त्यापैकी 45 वर्षीय पुरुषाचा चाचणी अहवाल ओमायक्रॉन पॉझिटीव्ह आला आहे. तथापी सदर कुटूंबातील चारही व्यक्तींचा आरटी पीसीआर चाचणी अहवाल, विलगीकरण कक्षातील उपचाराअंती निगेटिव्ह आल्यामुळे त्यांना आज दुपारी महापालिकेच्या विलगीकरण कक्षातून डिसचार्ज देण्यात आला आहे.
सदर कुटूंबाचे 24 हायरिस्क कॉन्टॅक्ट आणि 62 लो रिस्क कॉन्टॅक्ट अशा 86 लोकांचे कॉन्टॅक्ट ट्रेसिंग केले असता त्यातील चार निकट सहवासीत आरटी पीसीआर पॉझिटिव्ह आढळून आले आहेत. त्यांना महापालिकेच्या विलगीकरण कक्षात ठेवण्यात आलेले असून त्यांना कुठल्याही प्रकारची लक्षणे नसून त्यांची प्रकृती स्थिर आहे. तरी नागरिकांनी घाबरुन न जाता कोविड अनुरुप वर्तनाचा कटाक्षाने अवलंब करावा, असे आवाहन महापालिकेच्या आरोग्य विभागामार्फत करण्यात येत आहे.
स्रोत – ठाणे वैभव
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
