ठाणे : ठाण्यात राबविलेला गेलेला घरेलु कामगारांची नोंदणी हा उपक्रम स्तुत्य आहे, असे गौरवोद्गार भाजपाचे राज्य प्रभारी सी. टी. रवी यांनी काल शनिवारी काढले.
पंडित दिनदयाळ उपाध्याय जयंती आणि पंतप्रधान नरेंद्र मोदी यांच्या वाढदिवसानिमित्त सेवा सप्ताहानिमित्ताने भाजपा व विश्वास सामाजिक संस्थेच्या वतीने ज्येष्ठ नगरसेवक संजय वाघुले व वृषाली वाघुले यांनी नौपाड्यातील ४०० घरेलु महिला कामगारांची नोंदणी केली होती. या महिलांना भाजपाचे राज्य प्रभारी सी. टी. रवी यांच्या उपस्थितीत शनिवारी प्रमाणपत्र वाटप करण्यात आले. त्यावेळी ते बोलत होते. या वेळी भाजपाचे प्रदेश सरचिटणीस श्रीकांत भारतीय, कोकण प्रभारी व आमदार रविंद्र चव्हाण, आमदार संजय केळकर, आमदार निरंजन डावखरे, भाजपाच्या उपाध्यक्षा माधवी नाईक, सचिव संदिप लेले, ज्येष्ठ नगरसेवक संजय वाघुले, नगरसेविका प्रतिभा मढवी, सुनेश जोशी, नम्रता कोळी, भाजयुमोचे नौपाडा मंडल अध्यक्ष प्रशांत कळंबटे आदींची उपस्थिती होती.
सी. टी. रवी यांचे उद्गार
देशात ५० वर्ष गरीबी हटावचा नारा दिला गेला. मात्र, कॉंग्रेस नेत्यांचीच गरीबी हटली. १९६९ मध्ये बॅंकांच्या राष्ट्रीयीकरणानंतरही सामान्य जनतेला बॅंकांचे दरवाजे बंदच राहिले होते. पंतप्रधान नरेंद्र मोदी यांनी जनधन योजनेच्या माध्यमातून सर्वप्रथम सामान्यांना बॅंकांमध्ये जाता आले. त्याच धर्तीवर सामान्य नागरिकांना केंद्र सरकारच्या योजनांच्या माध्यमातून सामान्यांना मुख्य प्रवाहात आणले जात आहे. ठाण्यात नगरसेवक संजय वाघुले यांनी राबविलेल्या घरेलु कामगारांच्या नोंदणीतून महिलांना लाभ होणार आहे. हा अत्यंत स्तुत्य उपक्रम आहे, असे गौरवोद्गार सी. टी. रवी यांनी काढले.
महाविकास आघाडीचे सरकार गरीबांच्या समस्यांकडे दुर्लक्ष करीत आहे. लॉकडाऊनच्या काळात घरेलु कामगारांना लागू केलेली योजना राबविण्यात महाविकास आघाडी सरकारला आस्था नाही. या सरकारला आता महिलांनीच धडा शिकवावा. घरेलु महिला कामगारांच्या प्रश्नांची दखल न घेतल्यास मोर्चा काढू, असा इशारा आमदार रविंद्र चव्हाण यांनी दिला. नगरसेवक संजय वाघुले यांनी भाषणात लॉकडाऊनच्या काळात जाहीर झालेले १५०० रुपये सर्व घरेलु कामगारांना देण्याची मागणी केली.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
