शहापूर : आजच्या धकाधकीच्या जीवनात ज्याप्रमाणे प्रत्येक व्यक्तीला नोकरी व्यवसायाची गरज आहे, त्याचप्रमाणे शरीर स्वास्थ्यासाठी व्यायामाचीही गरज आहे. शहरी भागात ही सोय असते मात्र ग्रामीण भागातील तरुणांसाठी अशी सोय होणे गरजेचे आहे. ही गरज ओळखून शहापूर तालुक्यातील नडगाव येथे व्यायाम शाळेचे नुकतेच उद्घाटन करण्यात आले.
भाजपचे शहापूर तालुका सरचिटणीस राम जागरे यांच्या अथक प्रयत्नाने शहापूर तालुक्यातील नडगाव येथे जय बजरंगबली व्यायामशाळेचा उद्घाटन सोहळा झाला.
जिल्हा क्रीडा कार्यालय तसेच क्रीडा व युवक सेवा संचालनालय यांच्याकडून साहित्य उपलब्ध झाले असून व्यायाम शाळा विकास योजनेतून साडेसात लाख रुपयांचा निधी उपलब्ध झाला असल्याची माहिती राम जागरे यांनी दिली.
व्यायाम शाळेच्या देखरेखीसाठी गावातील 11 युवकांची कमिटी स्थापन करण्यात आली. यावेळी अरुण पानसरे, जयवंत मांजे, बुधाजी मांजे, अरुण मांजे, वैभव मांजे, अशोक जागरे, सुभाष हरड, नितीन भोईर, राजेश भालके, कल्पेश पवार, नरेश रेरा, काळुराम संगारे, किरण मांजे, मयुर जागरे आदी उपस्थित होते. यासाठी शेखर दुर्गे यांनी विशेष सहकार्य केले तर कार्यक्रमाचे सूत्रसंचालन जयेश भालके यांनी केले.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
