ठाणे : ठाणे ग्रामीण जिल्ह्यातील शहापुर व मुरबाड या नगरपंचायतीच्या सार्वत्रिक निवडणूक तसेच एकूण 46 ग्रामपंचायतीच्या रिक्त पदांच्या पोटनिवडणूकीचा कार्यक्रम जाहीर झाला आहे. या पार्श्वभूमीवर निवडणूक असलेल्या भागात आजपासून 10 ते 24 डिसेंबर 2021 याकालावधीत शस्त्र बाळगण्यास प्रतिबंधात्मक मनाई आदेश जिल्हाधिकारी राजेश नार्वेकर यांनी लागू केले आहेत.
बँक संरक्षण, स्पोर्ट, ज्वेलर्स, पेट्रोलपंप मालक-चालक यांना वगळून उर्वरित शस्त्र परवानाधारकांना शस्त्र ताब्यात ठेवणे, ने-आण करणे, जवळ बाळगण्यास मनाई करण्यात आली आहे.
जिल्ह्यातील शहापूर व मुरबाड नगरपंचायत तसेच गणेशपुरी पोलीस ठाणेच्या हद्दीत पाच, भिवंडी तालुका ठाणेच्या हद्दीत एक, पडघा ठाणेच्या हद्दीत तीन, शहापूर ठाणेच्या हद्दीत दोन, वासिंद दोन, कसारा चार, किन्हवली ठाणेच्या हद्दीत सहा, मुरबाड ठाणेच्या हद्दीत-12, कल्याण तालुका ठाणेच्या हद्दीत दोन, टोकावडे सहा व कुळगाव ठाणेच्या हद्दीत तीन या प्रमाणे एकूण 46 ग्रामपंचायतींची निवडणूक प्रक्रिया पार पडणार आहे.
ठाणे ग्रामीण जिल्हातील नगरपंचायत निवडणूक असणाऱ्या पोलीस ठाण्यांच्या कार्यक्षेत्रात ज्या शस्त्र परवानाधारकांना सुट दिली आहे. त्यांनी आपली शस्त्रे निवडणूकीच्या कोणत्याही कार्यक्रमादरम्यान जवळ बाळगू नयेत.
ठाणे ग्रामीण जिल्हयातील पोलीस ठाण्याचे हद्दीत निवडणूक क्षेत्रातील निवडणूकीच्या परिसरात दिनांक 24 डिसेंबर 2021 रात्री 11 वाजेपर्यंत मतमोजणी प्रक्रिया संपेपर्यंत मनाई आदेश लागू राहतील, असे जिल्हाधिकारी श्री. नार्वेकर यांनी कळविले आहे.
स्रोत – ठाणे वैभव
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
