ठाणे : ठाणे महापालिकेने दिवाळीपूर्वी ठेकेदारांच्या १३०६ बिलांच्या ५३२ कोटी रुपयांपैकी अवघी ३० कोटींचीच बिले अदा केली जात आहेत. पालिकेच्या या निर्णयामुळे ठेकेदारांच्या तोंडाला पाने पुसली जात असल्याची संतप्त भावना व्यक्त होत आहे.
मागील महिन्यात ठेकेदारांनी थकलेली बिले मिळावीत यासाठी पालिकेसमोर नऊ दिवस साखळी उपोषण केले होते. त्याच कालावधीत काही मर्जीतील ठेकेदारांची बिले काढण्यात आल्याने ठेकेदारांनी नाराजी व्यक्त केली होती. त्यानंतर पालकमंत्री एकनाथ शिंदे यांनी ठेकेदारांची मनधरणी केली. त्यानुसार दिवाळीपूर्वी ठेकेदारांची २५ टक्के बिले अदा केली जातील असे आश्वासन पालिकेने दिले होते. त्यानुसार मार्च २०२१पर्यंत असलेली बिले पालिकेने काढण्याचे निश्चित केले आहे. यामध्ये आता तब्बल १३०६ बिले पुढे आली असून त्यांची देयके ५३२ कोटींच्या घरात असल्याची माहिती पालिकेच्या सुत्रांनी दिली आहे. त्यामुळे एवढी रक्कम कशी द्यायची असा पेच पालिकेपुढे होता. त्यावर देखील तोडगा काढून पालिकेने अवघी ३० कोटींचीच बिले देण्याचे निश्चित केले आहे.
कोटींपैकी केवळ ३० कोटींचीच बिले अदा करणार
उत्पन्न आणि खर्चाचा ताळमेळ बसत नसल्याने हा निर्णय घेण्यात येत असल्याचे पालिकेने सांगितले आहे. त्यानुसार ३० कोटीत ४५० बिले अदा केली जाणार आहेत. परंतु उर्वरीत ८५६ बिलांचे काय करणार याचे उत्तर मात्र तुर्तास पालिकेकडे नसल्याचे दिसून येत आहे. परंतु पालिकेच्या या निर्णयामुळे इतर ठेकेदारांची मात्र घोर निराशा झाली आहे.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
