ठाणे : ठाणे पोलीस आयुक्तालय येथील चार वरीष्ठ अधिकाऱ्यांच्या बदल्या झाल्या आहेत. गुन्हे अन्वेषण विभागाच्या अप्पर पोलीस आयुक्तपदी अशोक मोराळे यांची बदली झाली आहे तर दत्ता कराळे यांची सोलापूर आयुक्तपदी बदली झाली आहे.
राज्य सरकारच्या गृह विभागाने काल राज्यातील आयपीएस अधिकारी दर्जाच्या ३७ अधिकाऱ्यांच्या बदल्या केल्या. अपर पोलीस आयुक्त पूर्व विभाग दत्ता कराळे यांची सोलापूर आयुक्तपदी बदली करण्यात आली आहे तर अपर पोलीस आयुक्त पश्चिम विभागाचे ए.डी. कुंभारे यांची राज्य राखीव बल नागपूरच्या पोलीस उप महानिरीक्षकपदी बदली करण्यात आली आहे. त्यांच्या जागी पिंपरी-चिंचवड पोलीस आयुक्तालयाचे अपर पोलीस आयुक्त आर. एल. पोफळे यांची बदली करण्यात आली आहे. पुणे पोलीस दलातील अपर पोलीस आयुक्त अशोक मोराळे यांची ठाणे गुन्हे अन्वेषण विभागाच्या अपर पोलिस आयुक्तपदी बदली करण्यात आली आहे तर ठाण्यातील गुन्हे अन्वेषण विभागाचे अपर पोलीस आयुक्त संजय एनपुरे यांची पुणे पोलीस दलातील बिनतारी संदेश विभागाच्या पोलीस उप महानिरीक्षकपदी बदली करण्यात आली आहे.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
