ठाणे : खड्ड्यामुळे एक दुचाकीस्वाराचा पडून मृत्यू झाल्याची घटना गायमुख जकात नाक्याजवळ घडली. मोहम्मद फैजल अल्लाबक्ष बाडवाले (२३) असे दुचाकीस्वाराचे नाव असून तो मुंब्र्यातील रहिवासी आहे.
मुंब्रा अमृतनगर येथे राहणारा दुचाकीस्वार मोहम्मद हा रशीद शेख यांच्या मालकीची दुचाकी घेऊन गायमुख जकात नाका येथून ठाण्याच्या दिशेने येत होता. जकात नाक्याजवळ पडलेल्या खड्ड्यामुळे दुचाकीवरून पडून त्याच्या अपघात झाला. त्यामध्ये मोहम्मद याच्या डोक्याला आणि पायाला गंभीर दुखापत झाली. तातडीने त्याला कासारवडवली पोलिसांनी ठाणे जिल्हा शासकीय रुग्णालयात उपचारार्थ दाखल केले. त्यावेळी डॉक्टरांनी मोहम्मद याला मृत घोषित केले. ही घटना मंगळवारी दुपारी अडीच वाजण्याच्या सुमारास घडल्याची माहिती ठाणे महापालिका प्रादेशिक आपत्ती व्यवस्थापन विभागाने दिली.
घोडबंदर पट्ट्यात मुख्य महामार्ग आणि लगतच्या सेवा रस्त्यांवर मोठ्या प्रमाणात खड्डे पडले आहेत. त्यामुळे वाहनचालकांना जीव धोक्यात घालून प्रवास करावा लागत आहे. या रस्त्यांची नावापुरती डागडुजी केली जात असल्याने संताप व्यक्त करण्यात येत आहे.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
