आर्थिक संकटात दिलासा
ठाणे : कोविड 19 च्या प्रादुर्भावामुळे सार्वजनिक उत्सव साजरे करण्यासाठी नागरिकांकडून सक्तीने वर्गणी गोळा करु नये असे शासनाचे निर्देश असल्याने सर्वच गणेशमंडळांना आर्थिक संकटाला सामोरे जावे लागत आहे. या गणेशमंडळांना दिलासा मिळावा यासाठी महापालिकेच्या माध्यमातून आकारण्यात येणारे मंडपभाडे पूर्णपणे माफ करण्यात आले असल्याची माहिती महापौर नरेश म्हस्के व आयुक्त डॉ. विपीन शर्मा यांनी दिली.
दरवर्षी महापालिका कार्यक्षेत्रात विविध सार्वजनिक गणेशमंडळाकडून गणेशोत्सव साजरा करण्यात येतो. परंतु मागी वर्षापासून कोरोनाचे संकट असल्याने सर्वच क्षेत्रात आर्थिक संकट ओढवले आहे. ही सार्वजनिक मंडळे नागरिकांकडून वर्गणी जमा करुन गणेशोत्सव साजरा करीत असतात. परंतु कोणत्याही नागरिकांकडून वर्गणी घेवू नये असे शासनाचे निर्देश असल्यामुळे या मंडळापुढे गणेशोत्सव साजरा करण्याबाबत आर्थिक संकटाला सामोरे जावे लागत आहे. गणेशोत्सवाची परंपरा खंडित होवू नये व शासनाच्या मार्गदर्शक सूचनांनुसार गणेशोत्सव साजरा व्हावा यासाठी महापालिकेच्या वतीने गणेशमंडळांचे मंडपभाडे माफ करण्याचा निर्णय ठाणे महापालिकेच्या ऑगस्ट महिन्याच्या सर्वसाधारण सभेत मंजूरीसाठी ठेवण्यात आला आहे. हा निर्णय सर्व नगरसेवक मंजूर करणार या विश्वासाने महापौर नरेश म्हस्के यांनी गणेश मंडळांचे मंडपभाडे माफ करण्यात येणार असल्याचे आज जाहिर केले आहे.
यावर्षी कोरोना जरी आटोक्यात असला तरी तो पूर्णपणे संपलेला नाही याची जाणीव ठेवून सर्व गणेशमंडळांना शासन व महापालिकेने वेळोवेळी निर्गमित केलेल्या नियम व सूचनांचे पालन करुन महापालिकेस सहकार्य करावे, असे आवाहन महापौर नरेश म्हस्के व आयुक्त डॉ. विपीन शर्मा यांनी केले आहे.
येथे क्लिक करून आमच्या टेलिग्राम चॅनेलमध्ये सामील व्हा.
येथे क्लिक करून आमचे न्यूज अॅप डाउनलोड करा.
This News post has not edited by GNP Team except the title. It has been retrieved from feed so all Copyrights belongs to RSS feed source.
If you still have issue let us know.
