मुंबई : यापूर्वी पुढे ढकलण्यात आलेला मुंबई विद्यापीठाचा वार्षिक दीक्षान्त समारंभ विद्यापीठाच्या फोर्ट येथील सर कावसजी जहांगीर दीक्षान्त सभागृहात २७ डिसेंबर रोजी सकाळी ११ वाजता होणार आहे. या दीक्षान्त समारंभाचे थेट प्रक्षेपण मुंबई विद्यापीठाच्या www.mu.ac.in या संकेतस्थळावरून होणार आहे. गेल्या १० डिसेंबरला होणारा दीक्षान्त समारंभ पुढे ढकलण्यात आला होता.
विद्यापीठाकडून दीक्षान्त समारंभाची नवीन तारीख तातडीने जाहीर केल्याने विद्यार्थ्यांकडून समाधान व्यक्त करण्यात येत आहे. जे विद्यार्थी २०२१ मधील प्रथम तसेच व्दितीय सत्रामध्ये त्यांच्या परीक्षेत दीक्षान्त समारंभाच्या दिवसापूर्वी म्हणजे २७ डिसेंबर २०२१ पूर्वी उत्तीर्ण झाले आहेत, त्या विद्यार्थ्यांना दीक्षान्त समारंभानंतर पदवी / पदविका प्रमाणपत्रे त्यांच्या महाविद्यालयातुन वितरित करण्यात येतील, असे परीक्षा व मूल्यमापन मंडळाचे संचालक डॉ. विनोद पाटील यांनी सांगितले.
स्रोत: रत्नागिरी खबरदार
This Post has been Retrieved from RSS feed. We do not claim the copyright of this post.
