वरूड तहसील कार्यालयामध्ये शिरून तहसीलदारांना शिवीगाळ, मारण्याची धमकी आणि माईक फेकून मारून शासकीय कामकाजात अडथळा निर्माण केल्याप्रकरणी मोर्शी मतदारसंघाचे विद्यमान आमदार देवेंद्र भुयार यांना स्थानिक न्यायालयाने ३ महिने कारावासाची शिक्षा सुनावली आहे. भुयार हे आमदार नसतानाचे सन २०१३ मधील हे प्रकरण असून, जिल्हा न्यायालय क्रमांक एकचे न्यायाधीश एस. एस. अडकर यांनी सोमवारी हा निर्णय घेतला आहे.
विद्यमान आमदार देवेंद्र भुयार यांचे नेमके प्रकरण काय?
विधीसूत्राप्रमाणे, २७ फेब्रुवारी २०१३ रोजी तत्कालीन तहसीलदार राम लंके हे वरूड तहसील कार्यालयामध्ये शासकीय कामकाज करत असताना देवेंद्र भुयार हे त्यांच्या काही लोकांसह सभागृहात आले. बाजार समितीतील शासकीय ज्वारी केंद्र बंद का ठेवण्यात आले आहे? फोन का कट केला? अशी विचारणा करून भुयार यांनी आपल्याला शिवीगाळ केली, तसेच माईकही फेकून मारल्याची तक्रार राम लंके यांनी नोंदविली होती. याच कारणावरून देवेंद्र भुयार यांच्यावर गुन्हा दाखल करण्यात आला असून, दोषारोपपत्रही दाखल करण्यात आले होते.
हा गुन्हा सिद्ध झाल्यामुळे न्यायालयाने त्यांना या शिक्षा दिल्या आहेत
युक्तिवादाच्या काळात, शासकीय कामकाजात अडथळा हा गुन्हा सिद्ध झाल्यामुळे न्यायालयाने त्यांना ३ महिने सक्तमजुरी, १५ हजार रुपये दंड आणि दंड न भरल्यास १ महिना साधा कारावास व भादंविचे कलम २८४ अन्वये २ महिने सक्तमजुरी, १० हजार रुपये दंड आणि दंड न भरल्यास पंधरा दिवस साधा कारावास आणि कलम ५०६ अन्वये ३ महिने सक्तमजुरी, १५ हजार रुपये दंड आणि दंड न भरल्यास १ महिना साधा कारावास, अशी शिक्षा सुनावली. या तिन्ही शिक्षा एकत्रितरीत्याच भोगायच्या आहेत. दंडाची एकूण रक्कम वसूल झाल्यानंतर लगेच नुकसानभरपाई म्हणून राम लंके यांना १० हजार रुपये देण्याचे आदेशही न्यायालयाने दिले. अभियोक्ता सुनित घोडेस्वार यांनी सरकारी बाजूदेखील मांडल्या आहेत.
Credits and. Copyrights -Maay Marathi News.
