शिवसैनिक संतोष परब हल्ला प्रकरणी भाजप आमदार नितेश राणे यांच्या अटकपूर्व जामिनावर उच्च न्यायालयात सुनावणी झाली. यावेळी न्यायालयाने राणेंना तात्पुरता दिलासा दिला आहे. पुढील सुनावणीपर्यंत नितेश राणे यांना अटक करता येणार नाही. राज्य सरकारनेही अशीच साक्ष न्यायालयात दिली आहे.
– जाहिरात –
सिंधुदुर्ग जिल्हा बँक निवडणुकीच्या प्रचारादरम्यान सतीश सावंत यांच्या पॅनलचे प्रचारक संतोष परब यांच्यावर हल्ला झाला. आमदार नितेश राणे यांच्या सांगण्यावरून हा हल्ला झाल्याचा आरोप करत तक्रार दाखल करण्यात आली होती. याप्रकरणी पोलिसांनी 8 जणांना अटक केल्यानंतर अटक होण्याची शक्यता असल्याने नितेश राणे आणि गोट्या सावंत यांनी न्यायालयाचे दरवाजे ठोठावले आहेत.
अर्जावर दोन दिवस युक्तिवाद केल्यानंतर जिल्हा सत्र न्यायालयाचे मुख्य न्यायाधीश एस.व्ही.हांडे यांनी जामीन अर्ज फेटाळला आहे. 18 डिसेंबर रोजी कणकवलीत संतोष परब यांच्यावर हल्ला झाला होता. परब हे जिल्हा बँकेचे अध्यक्ष सतीश सावंत यांचे निकटवर्तीय असून ते करंजे गावचे माजी सरपंच आहेत. इनोव्हा कारमधून आलेल्या दोघांनी त्याच्यावर धारदार चाकूने हल्ला केला.
– जाहिरात –
या हल्ल्यात परब जखमी झाले. या प्रकरणाला सिंधुदुर्ग जिल्ह्यातील राजकीय वैमनस्य पार्श्वभूमी असल्याच्या संशयावरून पोलिसांनी तपास भाजपच्या गोटात वळवला आहे. मुख्य संशयित सचिन सातपुते याला सिंधुदुर्ग ग्रामीण पोलिसांनी दिल्ली येथून अटक केली आहे. सातपुते हे भाजप आमदार नितेश राणे यांच्या स्वाभिमानी संघटनेचे कार्यकर्ते आहेत. त्यामुळे याप्रकरणी नितेश राणेंची चौकशी सुरू झाली आहे.
Credits And Copyrights : – breakingboom.com
This News has been generated from feed. If you have any problems with post, Please contact us.
