भारतीय महिला थाळीफेकपटू कमलप्रीत कौर पराभूत झाली आहे. कमलप्रीत कौर उत्तम कामगिरी करत थाळीफेक स्पर्धेच्या फायनलमध्ये पोहचली होती. मात्र सहा प्रयत्नांत 63.70 मीटर हा तिचा बेस्ट स्कोर ठरल्याने ती सहावी आली. ज्यामुळे ती पदक जिंकण्यापासून हुकली.
कमलप्रीत कौरने थाळीफेक स्पर्धेत उल्लेखनीय कामगिरी करत तिने अंतिम फेरीत स्थान निश्चित केलं होतं. अंतिम फेरीतील १२ स्पर्धकांमध्ये कमलप्रीत कौरला सहाव्या स्थानावर समाधान मानावं लागलं. अमेरिकेच्या व्ही. ऑलमनला सुवर्ण, जर्मनीच्या के. पुडेन्झला रजत, तर क्युबाचा व्हाय. पेरेजनं कांस्य पदक पटकावलं.
भारताची नॅशनल रेकॉर्ड ब्रेकर कमलप्रीत कौरनं आपल्या कामगिरीतलं सातत्य आणि आपल्या लौकिकाला साजेसा खेळ करत झोकात अंतिम फेरीत प्रवेश केला होता. अंतिम फेरीसाठीच्या पात्रता फेरीमध्ये कमलप्रीत कौरनं तिन्ही प्रयत्नांमध्ये ६० मीटरच्या वरची कामगिरी केल्यामुळे तिचं अंतिम फेरीतलं स्थान निश्चित झालं होतं. त्यामुळे भारताला टोक्यो ऑलिम्पिकमध्ये अजून एका पदकाची मोठी आशा निर्माण झाली होती..
This post has been created via RSS feed. No copyright is held by us. If it is your content contact us and let us know we will Give proper credits. Or we will take it down.
